Alcatel OT 800 – الكاتيل

الكاتيل OT 800 TRIBE

الكاتيل بقى لها فترة بتحسّن فى منتجاتها جامد و نازلة الفترة الاخيرة دى بمجموعة بتتحدى نفسها بيها
مهما كان طبعا المنتجات تعتبر متأخرة جيل كامل بس الكاتيل اخدت جائزة السنة اللى فاتت اسمها جائزة 2009 التحسن الثابت (steady progress)

انا النهاردة عايز اتكلم عن الهاتف ده

الكاتيل OT 800

الموبايلات كلها شبه بعضها يعنى فى حاجات كتير

عشان كده انا هاختصر عليكم و هاقول المميز فى الموبايل ده

الحاجات المميزة :

كى بورد (لوحة مفاتيح يعنى)

شكله شبه البلاك بيرى جدا

G-Sensor

Scroll Wheel

Document Viewer وورد و اكسل و ppt و pdf بس دى مش خاصية مستقلة يعنى مش هاتشتغل الا ببرنامج app يكون بيقرأ الملفات دى يعنى

بالنسبة للكى بورد طبعا دى اهم و احلى ميزة فيه انه بسعر مش عالى و شكله اللى شبه البلاك بيرى طبعا دى كمان ميزة تانية.

الجى سينسور ده احد المزايا اللى موجودة مثلا فى السمارت فونز و الآى فونز و هى انه مثلا لو انت مشغل اغانى و عايز تقلب الاغنية ممكن تهز الموبايل هزة بسيطة فيقلب الاغنية و برضه وجود الميزة ده بيحسن كتير تصوير الفيديو فيها حتى لو كان ميجا بيكسل قليلة بجد الميزة دى اضافة كبيرة لمنتجات شركة الكاتيل.

السكرول وييل دى كانت موجودة فى موديلات قديمة و اختفت الايام دى فى الهواتف عموما بس الكاتيل رجعتها تانى لما عرفت ان المستهلكين بيحبوها. و هى فعلا ميزة بسيطة لكن عملية الى ابعد الحدود و بتسهل عملية التصفح فى الموبايل او على النت و الاغانى بمراحل.

حاجة كمان قراءة ملفات الوورد و البى دى اف و البور بوينت و اكسل كل ده من على الموبايل طبعا يضيف كتير و يساعد كل الناس اللى بتحتاج تقرأ ملفات الشغل او تخلص شغل من عليه (خلاص الهاتف بالشكل ده اصبح لاب توب مصغر!) تعديل : طلع لازم ينزل ببرنامج يكون بيقرأ الملفات دى يعنى بس مش مشكلة دى حاجة بسيطة ممكن تتحل بأنك تنزل برنامج يكون بيقرأ الملفات دى بس مش هاتعدل فيها هاتقرأ بس…

و الباقى الحاجات المعتادة : بلوتوث 2 , جافا MIDP 2.0, كاميرا 2 ميجا بيكسل landscape, كارت ميمورى 4 جيجا ميكرو اس دى, واب, ايميل, مسنجر, و راديو كمان

صحيح و نسيت اهم حاجة! الوانه! الوانه جذابة جدا فيه منه : زى الصورة فوق التلات الوان دول و فيه كمان لونين الازرق المحيطى (زى المحيط يعنى..مش عارف اترجمها غير كده!) و الاحمر الكرزى (اللى فوق ده هو الموديل باللون الزهرى الحار hot pink الاحمر اغمق منه شوية و مدى على احمر)

و سعره يا جماعة بجد مناسب جدا :

بـــ579 جنيه بس! (و شوية بس عشان مابقاش كداب! هيهيهيهى)

بجد يا جماعة انا شايف اخباره على النت فى كل حتة بيتقارن مع هواتف فى شرائح اعلى منه بكتير….انا باقولها لكم اهو : انتظروا الكاتيل قادمة!

عموما الهاتف اكيد هتلاقوه موجود فى فروع رزق الله (مصر)

فروع رزق الله فى مصر

هليوبوليس – مصر الجديدة :

ده الفرع اخدته من موقع رزق الله

و ده الفرع التانى اللى فى شبرا:

ده الفرع التانى اخدته من موقع رزق الله برضه

و بس كده يا جماعة آدى كل الحكاية! ههههه

على فكرة انا مش شغال لا فى الكاتيل و لا فى رزق الله

انا بس مستهلك زيى زيكم لهواتف الكاتيل و باحبها جدا فقلت اعمل دعاية للبراند يعنى مش اكتر

انتهى الموضوع :)

اضافة : موقع رزق الله اهو يا جماعة :

http://www.rizkallaco.com/

About these ads

118 thoughts on “Alcatel OT 800 – الكاتيل

  1. يا جماعة اى حد عنده اسئلة يكتب تعليق هنا و ان شاء الله اساعده على قد ما اقدر :)
    انا ملاحظ ان فيه قبول على الصفحة هنا على عكس ما كنت متوقع..تفاعلوا يا جماعة و اسألوا اللى انتم عايزينه :)

    Like

  2. سؤال يا اخي

    هل جربتة بنفسك

    الناس في المواقع الاجنبية بتقول ان ال مشغل الاوفيس غير موجود

    وكمان ال fake call هل متأكد انها موجودة ؟ بصراحة تبقي جااااامد

    والبطارية اخبارها اية وبتقعد اد ايه تقريبا بين كل عملية شحن

    Like

    • مرحبا بيك فى المدونة :) انت اول تعليق على فكرة :)

      انا ان شاء الله هاشتريه قريب بس انا ليا معارف (من الانترنت) شغالين فى الكاتيل اصلا و باجيب منهم المعلومات عموما يعنى :)

      هو بالنسبة للاوفيس هو اللى موجود مش مشغل اوفيس….اللى موجود عارض للاوفيس..يعنى بيعرض الملفات بس..كقراءة يعنى..

      كمان كنت عايز اقول لك حاجة انهم الايام دى بيطوروا منه فيرجانات مختلفة برضه variants..يعنى لو سمعت عن كروم tribal chrome مثلا..ده مافيهوش fake call بس فيه حاجات تانية برضه و متهيألى هو اللى فيه الـــviewer ده

      اما الـــfake call دى فانا متأكد 100% انها موجودة :)

      بالنسبة لبطاريته هى بالظبط زى المعتاد بتاع الكاتيل يعنى مثلا لو تعرف الالكاتيل الــ V 770

      بتقعد من غير استخدام اكتر من ثلاثة ايام (ستاند باى بس)

      انما لو بالاستخدام انى مثلا اسمع اغانى ساعتين فى اليوم عليه بتقعد يومين او يوم و شوية..

      انا من ناحية عشان زيادة فى الحرص باحطه فى الشاحن قبل ما انام كل يوم…”مع ان الطريقة دى تتعب البطارية بس انا باعملها عشان ماتزنقش معاه يعنى! :)”

      Like

  3. تسلم اخي علي سرعة ردك

    وشرف لي طبعا اني اعلق في مدونتك

    +

    معني كلامك اخي انك تقصد ان الـــviewer الخاص بالاوفيس موجود في chrome فقط ؟؟
    وان ال fake call موجودة في Tribe فقط ؟؟

    ارجو توضيح هذه النقطة ولك مني خالص الشكر والتقدير

    Like

  4. تسلم اخي علي سرعة ردك

    وشرف لي طبعا اني اعلق في مدونتك

    +

    معني كلامك اخي انك تقصد ان الـــviewer الخاص بالاوفيس موجود في chrome فقط ؟؟
    وان ال fake call موجودة في Tribe فقط ؟؟

    ارجو توضيح هذه النقطة ولك مني خالص الشكر والتقدير

    Like

    • معلش اتأخرت عليك
      انا لما سألت الناس اللى شغالين فى الكاتيل اكتشفت انه مفيش viewer لا فى ده و لا فى ده بس قالوا لى ان الفكرة فى انك تقدر تحط ابليكيشن يقرأ الملفات بالامتدادات دى يعنى بس مفيش خاصية مستقلة يعنى..(كده انا هاضطر اغير فى التدوينة عشان مايبقاش فيها معلومات خاطئة)

      اما بالنسبة للفيك كول بصراحة نسيت اسأل بس انا سألت دلوقتى و الرد هايجى قريب يمكن بكرة الصبح او بعد 24 ساعة يعنى..معلش على التأخير

      Like

    • جبت الرد على موضوع الــfake call ده..
      طلع هو كمان مش موجود لا هنا و لا هنا!
      للاسف المصدر اللى كنت بانقل منه مش دقيق مع انه موقع مشهور و معروف اوى اسمه gsmarena.com
      بجد ما كنتش متخيل عدم الدقة يوصل للدرجة دى!
      انا اسف يا احمد الموديل ده مفيهوش فيك كول..هاغير برضه الجزئية دى فى التدوينة بتاعتى..و لا اغيرها ايه! انا هاحذفها بقى!
      بس على العموم انا اسمع انه فيه برامج ممكن تعمل خاصية الفيك كول برضه..هابقى ادور عليها و اقول فى المدونة هنا فى المستقبل يعنى..
      شكرا على تفاعلك يا احمد..افدتنى بانى صححت معلومات التدوينة :)

      Like

    • هاى يا مودى
      اتفضل يا سيدى الموقع اهو
      حظك حلو…انا لما عملت التدوينة دى كان الموقع مفيهوش معلومات خالص.. :)
      بس حظك حلو الموقع اتطور و بقى احسن بكتير (بس انا لسه مافتحتش كل حاجة فيه يعنى انا لاقيته بس :) )

      اللينك اهو :

      http://www.rizkallaco.com

      Like

  5. يه نقطتين مهمين جدا بالنسبة لي، بس عشان اعرفهم لازم اجرب الموبايل بنفسي، أو أعرف حد جربه.

    1- نظام التشغيل عملي ولا لأ:
    يعني فيه غلطات بسيطة في نظام التشغيل بتبقى غبية جدا، مثلا في سامسونج اللي معايا ماينفعش أعرض الصور بحجم الشاشة كلها، وماينفعش أتصفح الصور بشكل كويس وهي على كارت الذاكرة، والمفكرة (الكالندر) فيها مشكلة برضه.

    2- مدى دعم العربي:
    هو أكيد العربي مدعوم طبعا، بس أنا قصدي هل دعم قوي ولا لأ، يعني الموبايل معايا العربي مش مدعوم في متصفح النت مثلا ودي مشكلة قاتلة.

    هل في رزق الله عاملين جهاز في العرض كده نجربه قبل مانشتري (زي المحلات النضيفة يعني :) )

    عموما أنا كمان الجهاز داخل دماغي جامد، خاصة بسعره الرخيص ده.

    Like

    • هاى يا على
      1- نظام التشغيل كويس و انا مجربه على كذا موديل من الالكاتيل و مش فيه المشاكل اللى بتقول عليها تحديدا :)
      2- دعم العربى على النت مش هافتى فيه بصراحة لانى مش بادخل على النت من الموبايلز..بس عموما OT 800 فيه متصفح اوبرا و انا جربت الاوبرا على موبايل نوكيا قبل كده و كان عادى زيه زى البى سى..او يمكن عشان كنت داخل واى فاى مش عارف..بالمناسبة OT 800 مش فيه واى فاى..

      Like

  6. انا عندى سؤال عملاء موبينيل عاملين عرض علي موبايل الكاتيل بيقولو ان الموبايل 175 فقط طيب ازاى والموبايل اصلا ب 600 وشويه بليز ممكن اي حد يفهمنى بليز وشكرا ليكم اوى
    وبليز ممكن حد يرد عليا علشان الموضوع يهمنى وانا محتاجه اعرف العرض دا صح ولا لا علشان انا عايزة اجيبه ولو صح ممكن اي حد يقولي فين الاقي فرع موبينيل في الهرم وشكرا وميرسي اووووى

    Like

    • لا يا دودى ده اكيد موبايل تانى طبعا اللى انت بتقول عليه! لان OT 800 سعره فى التوكيل 579 جنيه

      Like

  7. إضافة أخيرة، أنا من البحث على النت لقيت فيه مشكلة صغيرة خلتني قلقت منه، لقيت ناس كتير بتشتكي إن الكيبورد بتتمسح من عليها الحروف مع الوقت، مش عارف الكلام ده صح ولاغلط بس قريته في كذا مكان.

    أما لو كان الموبايل ضمن عرض زي اللي بتقولي عليه، يبقى الوضع مختلف تماما :) بس انا ماستبعدهاش لأن موبينيل ساعات بتعمل عروض جامدة كده فعلا.

    هتلاقي فرع لموبينيل عند الخزان جنب بيتزا كينج

    Like

    • هو الموديلات الجديدة اللى نازلة من الكاتيل الايام دى (بعد الــOT 800) بقوا يعملوا الكى بورد بطريقة مختلفة يعنى مابقيتش الحروف مطبوعة على الازرار دلوقتى بقت الحروف محطوطة جوة الهيكل بتاع الموبايل من تحت و عليها ازرار شفافة و بالتالى مش هاتتمسح مع الوقت :)
      بس فعلا عندك حق ده ممكن يكون احد عيوبه بس انا من ناحيتى يعنى باحفظ مع الوقت..كانت كل الموبايلات القديمة كده و الواحد كان بيتعامل يعنى :)

      Like

  8. hi ezyek
    ana now 3ande el mob da w bgd gamed awe bs fe moshkla hatgnene el wall pic by7slha change lw7dha ia3ne lma ba5tr ay pic btefdl kol shewia tet’3ir kol shewia pic w mesh 3arfa a3mel eah momken tes3dne plez

    Like

    • هاى منة
      اعتقد ده بيحصل (زى عندى كده بس انا موديل الكاتيل تانى) عشان انتى مسيفة الصور على الميمورى كارد مش على الفون ميمورى..لان كل لما تشيلى كارت الميمورى و تدخليه تانى بيلغى الصورة
      انا حليت المشكلة دى بأنى نقلت كل الصور و الرنات على الفون ميمورى و بالتالى مابقيتش تتغير :)
      يارب تكون هى دى نفس الحالة اللى عندك :)

      Like

  9. دودى لو سمحت انا بردة شوفت العرض لاكنهم مش كاتبين الاصدار كام من الاكاتيل كاتبين موبيل الاكتيل بس مش كتابين اى نسخة منة انت متتاكد انة ot 800???

    Like

  10. ***هل الموبايل ده اللغة العربيه فيه كويسه واهم حاجه نظامة سهل زى نوكيا مثلا كده ؟؟؟؟ لو سمحتو حد يجاوبنى
    اللى معاه الموبايل ده ياريت يجاوبنى
    وماهو سعر الميمورى 2 جيجا ؟؟؟
    ممكن لو سمحتو حد يكبمنى على ايميلى ؟؟
    وجزاكم الله خيرا….

    Like

    • ايوة يا وحيد
      نظامه سهل طبعا انا ماحستش بأى مشكلة معاه نهائى و فيه عربى (على فكرة الكاتيل بتبيع فى الشرق الاوسط من زمان و عمرها ما بطلت و خبيرة فى خدمة العميل العربى عادى يعنى)
      ما تقلقش..انا فاهم ان يمكن عشان الماركة مش منتشرة اوى زى نوكيا فالناس فاكرها هاتبقى بتخرف فى العربى و لا حاجة…
      ماتقلقوش يا جماعة الكاتيل مش شركة اى كلام (مش صينى يعنى ههههههه) دى فرنسية
      من زمان و هى سمعتها معروفة فى ان العدد بتاعتها اقوى ارسال و استقبال حتى لو كنت فين :)

      و انا من ناحيتى عن تجربة يعنى جربت انظمة سامسونج و موتورولا و كانت غريبة جدا..انما الكاتيل كانت سهلة و ماحستش بأى استغراب و انا باستخدمها..

      Like

  11. سلا عليكم
    هل هناك اى عروض على هذا الجهاز فى اى مكان
    ام سعره فقط 579 جنيه فى كل مكان

    وهل موديل op802 موجود فى مصر ام لا

    شكرا مقدما

    Like

    • لا بصراحة ماعرفش اى عروض؟ عروض زى ايه يعنى؟ من شركات محمول يعنى؟ و لا عروض فى محلات بيع موبايلات؟

      بالنسبة لسعره ده سعر توكيل رزق الله نفسه حسب ما موقعهم بيقول

      اما موديل 802 لسه مانزلش و متوقع نزوله قريبا..على حسب ما اعرف انه لسه مانزلش فى السوق العالمى كله على الرغم من ان الموقع الرسمى نزل معلومات عنه

      فكرتنى لما اعمل موضوع عنه :) ، الـ802 ده فعلا عاجبنى و مستنيه انا كمان :)

      شكرا على مرورك يا محمد

      Like

      • لو سمحت ممكن تقولى ايه الاحسن
        موبايل
        alcatel ot 800
        ولا
        Huawei G6600
        لان فى ناس كتير بيشكرو فى Huawei G6600 على موقع gsmarena.com

        أرجو الرد على ايميلى لو سمحت عشان انا مستعجل على الرد
        theengmwm@yahoo.com
        وهل الافضل فى ot 800
        one touche tribe
        ولا
        one touche chrome
        منتظر ردك……

        Like

    • لا يا احمد ده مش 3g

      الموديلز اللى فيهم 3g هما :
      – 980
      – 880
      – 909
      بس لسه بينزلوا السوق

      Like

  12. لو سمحت ممكن تقولى ايه الاحسن
    موبايل
    alcatel ot 800
    ولا
    Huawei G6600
    لان فى ناس كتير بيشكرو فى Huawei G6600 على موقع gsmarena.com

    أرجو الرد على ايميلى لو سمحت عشان انا مستعجل على الرد
    theengmwm@yahoo.com
    وهل الافضل فى ot 800
    one touche tribe
    ولا
    one touche chrome
    منتظر ردك……..

    Like

  13. بصراحة يا جماعة الموبيل ده جامد جدا وانا شخصينا جربته ومازال معايا حاليا امكانياته فوق الجامدة

    Like

  14. لو سمحت انا جبت موبايل ot-800بس الكاميرا بتاعتو مش بتشتغل خالص بس لما جيت اجربها اول مرة خلت الجهاز كلو يعلق و ما اشتغلش الا لما فصلتو من البطاريه و ركبتها تانى و ده ممكن يبوظ الجهاز …. مش كده؟؟
    معلش حاجه تانى انا لما حطيت الشريحة ف الجهاز كان عليها اسماء بس لما بطلعها على الموبايل بيقولى ان الكونتاكت فارغ …..بس لما برن من اى موب تانى على موبايلى بيظهرلى الاسم بتاع الموب اللى برن منه…… ارجوووووووووووووووووووووووووو الرد ز .
    و شكرااااا

    Like

  15. هل للموبايل ده قطع غيار و تصليح متوفرين و لا لأ؟؟؟ اصل فى ناس شككتنى فيه يا ريت الرد لو سمحت؟؟
    فى حاجه تانى انا لسه جيبا الموب ده “ot-800″ لو بعتو يا ترى ينفع انا جيباه ب 650؟؟

    Like

  16. هل الموبايل ده او ot 802 افضل من الموبايل اللى لسه نازل
    نوكيا c3 الموبايل ده تقريبا ب 850 ونوكيا وكمان شكله جامد وامكانياته فوق الجامده دا اللى مكتوب بس نوكيا مضمونه
    ولا سرعة النت اضعاف الموبايل ده ؟؟
    ارجو الرد

    Like

  17. انا عندي مشكله في موبيل الكاتيل otc701a
    المومري كارد الموبيل مابيتعرفش عليه ولا علي اي مومري تاني لما اركب المومري بيقول خطاء في تركيب ومش عارف اعمل ايه عملتت استعاده ضبط المصنع وجربت اشتعل وبعد كده رجع تاني بس مش عارف اعمل ايه
    ياريت لو حد يفدني يبقي جزاه الله كل خير

    Like

  18. لا استطيع ادخال الاسماء العربى اكثر من 6 حروف هل هناك طريقه لحل هذه المشكله فى جهاز الكاتيل ot-800

    Like

  19. السلام عليكم

    برجاء المساعدة فى هذا الموبايل ot-v770

    عند الضغط على زرار الباور الجهاز يشتغل ويكتب الكاتيل ويفصل باور تانى…

    Alcatel OT-V770
    سلام عليكم أخى العزيز هذا العطل حدث معى فى هذا الهاتف وكى تتمكن من أصلاحه يجب أتباع الخطوات التاليه:
    1- توصيل الجهاز بالباور سبلاى ومحاوله فتح الجهاز اذا عمل بشكل طبيعى يكون العطل فى البطاريه
    2- اذا لم يعمل الجهاز على الباور سبلاى يجب عليك تنزيل سوفت وير جديد له وهذا ما حدث معى

    مع العلم انه فى حاله اذا نزلت للجهاز سوفت وير اكثر من مره ولم يستجيب وظل كما هو يكون العطل فى ايسى الباور أو ايسى الفلاش وكلاهما فى v770 محمى …….. وتقبل تحياتى…………….
    ……………………………………………………………………………
    طبعا انا قولت لك المقدمه علشان انا عايز اشترى الكاتيل OT-V 770
    ممكن تدلنى على مواصفاته ومميزاته وعيوبه
    واين يوجد فى مصر …مكان اشتريه منه وكم سعره فى نوفمبر 2010
    ارجو الرد

    Like

    • هاى “ملاكى” على فكرة كلها تعديلات قريبة من بعضها..
      و الاختلافات اهى يا سيدى :) :

      1- ال802 اتقل 3 جرام (بجد و الله مش باهزر)
      2- ال802 مافيهوش G-Sensor عكس ال800 فيه
      3- ال802 مافيهوش كونفرنس كول عكس ال800 فيه
      4- الزرار بتاع الاتجاهات باللمس زى نوكيا e72 (تقنية اسمها Optical Navigation شبه اللمس كده) ده ال802 انما 800 مافيهوش كده
      5- بيقبل كارت ميمورى لحد 8 جيجا انما ال800 بيقبل لحد 4 جيجا بس
      6- الستاند باى تايم بتاع ال800 450 ساعة انما ال802 احسن منه 600 ساعة (بس البطارية واحدة فى الموبايلين – ليثيوم 850)
      7- التوك تايم بتاع ال802 احسن شوية (15 ساعة) انما ال800 (9 ساعات)

      بس كده الباقى نسخة من بعض

      ايه رأيك بقى فى شوية النصائح دول؟ ايدك بقى على شوية فلوس كده عشان عايز اشحن! هههههههه

      اوعى تكون دى اخر زيارة ليك لموقعى! اى حاجة تيجى فى بالك اسأل على طول و لا يهمك! :)

      نورت البلوج يا جميل :)

      Like

  20. السلام عليكم ورحمه الله وبركاته
    الف شكر يا استاذ cicero86 على المعلومات اللى انت قدمتها عن التليفون ot 800
    انا اشتريت التليفون ده من اسبوع التليفون هايل جدا فى التصميم والبرامح و النت بس بعد ما اشتريته على طول شركه الكاتيل نزلت تليفونات احدث وده زعلنى كتير
    التليفون هايل بس فيه بعض العيوب اللى الواحد ممكن يستغنى عنها بس لازم الكل يعرفها
    1-مفهوش واى فاى ولا 3g
    2-البلوتوث بتاعه زى التليفون الصينى لازم تعمل اقتران مع الجهاز اللى بتبعتله
    3- مفهوش زرار للموسيقى منفل زى باقى الموديلات
    4- مبيتصتبش عليه اوبرا 5 بس اوبرا 4 سريع جدا
    طبعا كل العيوب دى يمكن الاستغناء عنا او متعتبرش عيوب بس انا علشان كان معايا الكاتيل قبل ده فافارق معايا قوى الحجات دى
    طبعا من مميزات هذا الهاتف
    1-السينسور وده علشان الالعاب وتقليب الاغانى والصور وعمل اتليفون سايلنت ..إلخ
    2-سريع جدا على انت
    3- زرار اللسكررول اللى فيه تحفه
    4-فيه برنامج علشان التخسيس شغال مع السينسور
    5- بقرا ملفات text
    6-صوته نقى جدا
    7- الراديو جميل
    8- البطاريه بتقعد يومين تلاته على حسيب الاستخدام
    9-منطم المواعيد
    10- بجانب باقى الخواص اللى فى الهاتف
    11- ثمنه نزل من 579 الى 529
    طبعا تليفون بالمواصفات دى والسعر ده وهم
    بس انا بحب الجديد علشان كده الكاتيل نزلت هاتف جديد فى كل المواصفات دى و تاتش اسكرين و واى فاى و3جى بس معرفش اذا كان نزل مصر ولا لسه
    وده موقع الكاتيل للى عايز يشوف الهواتف الجديده

    http://www.alcatel-mobilephones.com/global

    و الموقع ده فى مميزات ot800 وباقى الموديلات الاخرى

    http://www.arabmobile.mobi/c/cell/img-alcatel-ot-800-one-touch-tribe-2878.htm

    وبالتوفيق للجميع

    Like

    • ميرسى اوى يا محمد على تعليقك :)

      هو فعلا نزل موديلات احسن منها بس الot-800 نازل من شهر 7 سنة 2009 و دى فترة برضه مش قليلة…

      انا فيه موديل مستنى اتأكد انه نزل مصر هنا عشان اعمل لكم بريفيو عنه بس لما ينزل….ده بقى اللى بجد مميزاته خطيرة…بس مش هاكشف عنه دلوقتى الا لما اتأكد انه نزل! :)

      ميرسى يا محمد على الاضافات بجد :) على فكرة كلامك ده بيساعد القراء كتير…يا ريت ماحدش يتردد و يقول تجربته فى الموبايلات اللى باتكلم (او لسه يعنى هاتكلم :)) عنها هنا ان شاء الله :)

      Like

  21. انا عايز اعرف ايه احسن برنامج نت للموبيل ده علشان هوه معايه بيعنى ايه برنامج بيجيب فيس وياهو وكده

    Like

  22. الى الاستاذ احمد
    التليفون ده مش محتاج اى برامج للموبيل هو فيه
    1- اوبرا 4 للتصفح وبصراحه جامد جدا
    2- Palringo وده اسمه عندك باعربى الرسائل الفوريه و البرنامج ده بيفتح الياهو و الم اس ان و الفيس و الجول تاك …إلخ علشان تعمل احلى شات و البرنامج ده كمان فيه شات خاص و عام بس فى الاول لازم تعمل عليه يوزر علشان تقدر تفتح الاميلات بتعتك , زى ال ebudy ,nbuzze وكمان البرنامج ده تقدر تنزله على الكومبيوتر وتحط الايملات بتعتك عليه وبعد كده تقفله وتفتحه على الموبيل هتلاقى الايملات بتعتك مفتوحه عليه .
    ومن اهم مميزات البرنامج انه مش بينزل غير على البلاك بيري و الاي فون والوندوز موبيل و الهاتف ده
    .
    .
    يبقى الهاتف مش محتاج اى برامج نت علشان هو فى كل حاجه على النت
    وكمان انت تقدر تعرف درجات الحراره
    واخر الاخبار وده من خلال الايقونه بتاعه الاخبار اللى بتدعم قنوات الاخبار بصيغه rss
    ,ولو عايز اى حاجه تقدر تبعتلى وانا اجاوبك

    Like

  23. انا عندى الموبايل ده بس المشكلة ان انا فودافون و لما اجى اسجل على النت على موقع فودافون على الكمبيوتر انى اعمل ضبط للجهاز بس ملقتش نوع الجهاز يا ريت تقولى اعمل ايه علشان مش عارف

    Like

    • هو تقريبا مفيش غير ماركتين بس هما اللى معروفين بالنسبة لهم نوكيا و سونى اريكسون ، الباقى كله بيجى له رسالة (لم نتعرف) دى على حد علمى

      عموما انت كلم خدمة العملاء و هما هايكملوا معاك الاكتيفيشن فى ساعتها و النت هايشتغل بعدها على طول :)

      Like

  24. السلام عليكم لو سمحت عاوز اسال على الموبايل الكاتيل 880 فى ياهوو وكده يعنى وهل هوا جهاز حلو ولا لا ارجو الرد وشكرا

    Like

    • زى الكاتيل ot800
      فى كل حاجه وموبيل جامد جدا

      التليفون ده مش محتاج اى برامج للموبيل هو فيه
      1- اوبرا 4 للتصفح وبصراحه جامد جدا
      2- Palringo وده اسمه عندك باعربى الرسائل الفوريه و البرنامج ده بيفتح الياهو و الم اس ان و الفيس و الجول تاك …إلخ علشان تعمل احلى شات و البرنامج ده كمان فيه شات خاص و عام بس فى الاول لازم تعمل عليه يوزر علشان تقدر تفتح الاميلات بتعتك , زى ال ebudy ,nbuzze وكمان البرنامج ده تقدر تنزله على الكومبيوتر وتحط الايملات بتعتك عليه وبعد كده تقفله وتفتحه على الموبيل هتلاقى الايملات بتعتك مفتوحه عليه .
      ومن اهم مميزات البرنامج انه مش بينزل غير على البلاك بيري و الاي فون والوندوز موبيل و الهاتف ده
      .
      .
      يبقى الهاتف مش محتاج اى برامج نت علشان هو فى كل حاجه على النت
      وكمان انت تقدر تعرف درجات الحراره
      واخر الاخبار وده من خلال الايقونه بتاعه الاخبار اللى بتدعم قنوات الاخبار بصيغه rss
      ,ولو عايز اى حاجه تقدر تبعتلى وانا اجاوبك

      Like

  25. شكرا ليك جدا بس ممكن اسال يعنى هوا جهاز بيستحمل وكده ولا علشان انا عاوز انزل اشتيريه ومتردد

    Like

    • صراحه التليفون شغال معايا تمام
      وفى امكانيات تمام
      بس فى فرجنات احدث هى لسه منزلتش مصر بس لو تقدر تستنى اسنتى فى تليفون الكاتيل فيه 3g &wifi
      وتاتش بس لسه منزلش مصر
      هتلاقيه على صفغحه الكاتيل
      بس بصراحه التليفون جامد وشغال زى الفل

      Like

  26. حسبي الله ونعم الوكيل في شركه رزق الله انا اشتريت عدة الكاتل تي او 305 باظت بعد 4 ايام رحت التوكيل ال مصر الجديدة قلولي عيب استخدام دة دخلت فية ميا وهيكلف 100 جنيه قلتلهم خلاص مش هصلحة قالولي لازم تدفع عشرين جنية كشف .احكم انت بقا شركة نصابة واوسخ اجهزه بتاعت رزق الله والمفروض يسموها نصب الله

    Like

    • هو حضرتك انا مش من التوكيل و لا موظف فيه عشان بس ما تاخدش كلامى بمحمل آخر يعنى…
      بس مع احترامى…
      دلوقتى الموبايل وقع فى المياه…يبقى عايز تصليح لانه مش ذنبهم عشان يغيروه او يصلحوه ببلاش..واخد بال حضرتك معايا؟
      طيب لو حضرتك مقتنع بالنظرة يبقى ننتقل للنقطة اللى بعدها الا و هى ان الموبايل باظ منك (بسببك) و عايز يتصلح…
      يبقى تدفع ثمن كشف…و تدفع (طبعا) تكلفة التصليح…ايه الغلط او النصب فى كده؟
      وبعدين معلش انا مش فاهم حاجة فى سياق كلام حضرتك؟ يعنى حضرتك بتقول انك مش هاتصلحه ايه اللى هايخيليهم يقولوا لحضرتك الكشف بكذا؟؟
      انا عايز اقول لسيادتك انه دى حاجة معروفة فى كل حتة مش رزق الله بس ان الضمان لا يسرى على عيوب الاستخدام و دى حاجة معروفة…سواء رحت “راية” او “i2″ (توكيل نوكيا) او رحت اى حتة تشترى منها موبايل بيبقى الضمان شكله كده..اما بالنسبة للتكلفة بتاعة الصيانة او اذا كانوا بياخدوا فلوس على الكشف فقط ثم بعدها تكلفة مستقلة للصيانة فده راجع لكل شركة و طريقتها يعنى..و 20 جنيه كشف مش نصب خالص يعنى!
      حاجة اخيرة بالنسبة للتعليقات عموما انا باحترم الرأى و الرأى الآخر و لذلك مش هامسحها او كده مع ان ممكن اى صاحب مدونة يريح دماغه و يمسح التعليقات و خلاص من غير نقاش..انما انا مش هاعمل كده..
      بس عموما هل حضرتك صلحته؟ و لا اتصرفت ازاى فى المشكلة؟

      Like

  27. السلام عليكم انا معايا جهاز الكاتيل ot 880 بس فى مشكله ان المفروض ان الجهاز 3ج بس هوا مش شغال 3ج دا اول حاجه وتانى حاجه ان الجهاز لا يدعم ملفات jad فقط jar لماذا يا ترى مع ان الفروض يدعم الاثنين عاماتا انا بتكلم عن ال 3ج هل المشكله فى السوفت او ماذا مع انى لسه شارى الجهاز من قريب وعملتلو تنزيل مصنع من جديدي يمكن المشكله تتحل ولكن هوا هوا لو سمحت ترد عليا او تنصحنى وشكرا’

    Like

    • هو فعلا بالنسبة لل3g دى مش 3 جى بتاعة الفيديو كول…ده 3جى تقنية نقل بيانات سريعة..لان اصلا التقنية دى اتعملت عشان تنقل بيانات اسرع فى الاساس (اسرع من الgsm و bluetooth)..وبعد كده استخدمت فى نقل الفيديو..لان الاتصالات (المكالمات يعنى) المفروض انها عبارة عن بيانات..و زمان كان السرعة على قد نقل الصوت بس…بعد كده عرفوا يطوروا السرعة فقالوا يستخدموها فى الفيديو كمان (يعنى التقنية ظهرت الاول و بعدين الفيديو كول بعدها)..فالكاتيل 800 فيه التقنية بتاعة سرعة نقل البيانات اللى قبل ما تتطور لسرعة نقل فيديو كول..
      هو عموما اى موبايل فيه كاميرا امامية يبقى فيه 3جى فيديو كول…لو مش فيه يبقى ده 3جى بيانات بس :)
      اما بقى بالنسبة للجار و الجاد بصراحة انا مش قارئ فى الحتة دى و ماقدرش افيدك اوى..بس اللى فهمته من البحث على النت دلوقتى ان فايل الجاد ده ما هو الا وصف لفايل الجار و مكمل له انما مش ضرورى للتستيب..
      انا عموما باستخدم الجار لانه هو اللى بيشتغل على جهازى (التليفون يعنى) انا جهازى الكاتيل V770

      Like

  28. السلام عليكم
    اولا:
    التليفون مفهوش 3جى
    ثانيا:
    التلفون بيشغل جار وجاد , واحيانا فى ملفات تالفه مش بيرضى يشغلها علشان كده فى ملفات جاد مش بتشتغل
    ثالثا وده الاهم :
    بعد طول انتظار نزل هاتف ot-806 وده فيه امكانيات ot 800 وكمان شاشه تاتش 2.8 بوصه وواى فاى وكل ده ب 650 جنيه يابلاش
    انا هبيع تليفونى ot800 اللى لسه مكملش شهر وهشتريه ان شاء الله

    Like

    • طبعا لك الحرية انك تعتقد فيما شئت
      بس انا مش فاهم ازاى توكيل ينصب؟!
      عادى يا مان انا و لا هاممنى على فكرة
      انا بالنسبة لى كله زى بعضه مادام اشتريت الكاتيل! :)))))
      نورت المدونة يا جميل! :)

      Like

  29. الله على مااقول شهيد .. حصل لى موقف .. رحت الشركة وكان فى مشكلة بسيطة جدا حصلت فى الجهاز وممكن تتصلح ببساطة فعارفين قالولى ايه .. قالولى احنا هنغير البوردة لانها بايظة وادفع تمنها بالكامل .. وافقت قلت طب تمنها كام .. عارفين .. طلع تمنها 80 % من ثمن الجهاز .. بوست ايديهم طب يا جماعة غيرو لى الجزء اليياظ بس ابدا.. رحت لكذا مهندس بره قالولى ممكن نحل المشكلة لكن قطعة الغيار مش موجودة عندنا فى التوكيل بس ..رحت بوست على ايدين التوكيل عشان يغيروا الحتة البايظة بس رفضوا قالولى تتغير كلها .. سلمت امرى لله وركنت الجهاز لانه ماتقريبا مات كده .. وقلت ومازلت بقول حسبي الله ونعم الوكيل.

    Like

    • يا استاذ (مش مهم) او مش عارف اسمك ايه اصل انت مش كاتب اسمك…
      انا عايز اقول انه براحتك يعنى قول اللى انت عايزه مع انه موقعى انا بس مش مشكلة قول اللى انت عايزه انا مش فارق معايا رزق الله و لا غيره يعنى…
      بس انا عايز اقول لك حاجة واحدة
      ان ثمن البوردة بيبقى غالى كده! عادى يعنى! انا مستغرب فين النصب؟!!! D:
      لو عايز تصليح تعبان و تلصيم و خلاص يبقى روح عبد العزيز يصلحوا لك الحاجة ب20 جنيه عشان تبوظ بعد شهر براحتك
      و لو عايز تصليح صح بتاع توكيلات يبقى روح رزق الله
      بس عادى يعنى براحتك لو انت شايفهم نصابين براحتك ماتشتريش منهم و كفاية تعليقات عنهم! هههههههه
      الموضوع اساسا عن الكاتيل مش عن رزق الله لو تاخد بالك..
      بس كده
      و ماتضايقش فى نفسك اوى كده يعنى و روق! :) :) :)

      Like

  30. السلام عليكم
    انا معايا هاتف الكاتيل 800
    ونفسى اشترى هاتف اكاتيل الجديد 806 وده فى امكانيات كتير جديده زى التاتش و الواى فاى
    بش انا من يومين شفت عى صفحه رزق الله هاتف الكاتيل 980 وده اخر ماتوصلت ايه شركه الكاتيل وفى مواصفات ملهاش حل زى تاتش اسكرين وثرى جى و واى فاى و جي بي اس وده غير نظام التشغيل بتاعه اللى هو Android 2.1 ويدعم HSPA والوايرلس و GPS وبوصله رقميه أما الشاشة فطولها 2.8 أنش
    طبعا جهاز مهوش حل
    انا ليه طلب عندكم انا لما رحت الشركه الى عندى فى المنيا قالى انا اجهاز معاه شهر وينزل بس انا مش مسدق ولما جيت اتصل بالرقم بتاع رزق الله قالى لايمكن الاتصال من هذه المنطقه ممكن حد يتصل بالشركه ويسئل على التليفون ده ويقولى اخباره ايه وهينزل امتى
    وشكرا لكم جميعا

    Like

    • اهلا يا محمد
      على فكرة موبايل 980 مش شايفه على موقع رزق الله خالص؟!
      انا تقريبا بادخل عليهم كل يوم (فراغ بقى!ههههههه)
      هو موبايل حلو فعلا و اول سمارت فون تعمله الشركة و اندرويد كمان
      بس انا ما شفتوش خالص على رزق الله و اعتقد انه لسه قدامه شوية على ما ينزل
      هو عموما انا لاحظت ان شركات بيع موبايلات كتيرة اوى مأخرة موضوع تنزيل موبايلات اندرويد فى السوق…الظاهر يمكن (و ده استنتاج شخصى مش اكتر) انهم لسه على ما يطوروا اقسام الصيانة عشان تقدر تستقبل حالات اندرويد، فاهم قصدى؟ هو مجرد استنتاج يعنى بس وارد جدا انه يحصل..

      Like

  31. بسم الله الرحمن الرحيم
    صديقى cicero86
    اولا هاتف 980 موجود على صفحه رزق الله بس نازل على الاعلانات فى الصفحه الرئيسيه مش موجود بين هواتف الشركه المعروضه
    انا بس عايز من حضرتك انك تتصل بالرقم الساخن بتاع رزق الله علشان اعرف امتى ممكن ينزل الهاتف ده
    ثانيا هاتف 980 ده مصنع منذ فبراير 2010 وتعرض فى احدى معارض الامارات ياعنى مصنع وموجود
    معلش ياصديقى انا بتقل عليك
    طبعا انت مستغرب انى بقولك صديقى بس متنساش ان حنا فى بينا عامل مشتركه وهو حب هواتف الكاتيل المميزه
    شكرا صديقى cicero86

    Like

  32. صديقى سيسيرو
    لقد توصلت لثمن هاتف ot980 هو مايقارب 1100
    انا لقيت سعر التليفون بعملع مش معروفه وبعد ما توصلت للسعر حولتو لمصرى وعرفت السعر اللى قلتلك عيه
    طبعا ممكن تقولى ده سعره فى بلده بس انا هقولك انى قارنت السعر بتاع التليفونات التانيه لقيته زى السعر اللى بيتباع بيه فى مصر بالضبط

    Like

  33. يا رجاله التليفون 980 ده هيبقى تمنه بالمصرى حوالى 1070 الى 1100 جنيه ومش هيقل عن كده لان نظام التشغيل بتاعه Android

    Like

  34. هل من الممكن أن تدلنى على الكاتيل 2 شريحة وامكانياتة جيدة واعرف سعرة ومكان الحصول علية

    Like

    • على حد علمى مفيش هاتف الكاتيل بشريحتين يا “اونى”
      انا بحثت فى كل مكان و لكن بلا جدوى
      اتمنى اكون افدتك

      Like

  35. لو سمحت حضرتك كنت عايز اعرف ازاى افرمت العده نفسها لانى شكلها نزل عليها فايرس ففى صيغ كتيره قوى مش بتشتغل او اجى انزل حاجه مش الاقيها او القى المقطع الى شغلته قبل كدا هو هو نفس المقطع الى ممكن اشغله بعد كدا ياريت حضرتك تقولى اعمل ايه بالظبط لانى خبرتى فيه لسه قليله

    Like

  36. السلام عليكم
    تحياتى للجميع
    انا عايز اشتر موبيل 806 ممكن اعرف هل يوجد به لغه عربيه بشكل جيد وكمان ايه اخبار تصفح النت فيه وكمان التاتش بتاعو كويس والصوط وهل تنصحونى بشرائه ام لا واذا كانت الاجابه لا فابمذا تنصحونى بالشراء وهل يقارن ب 710 يااا ريت الافاده فى هذا الموضوع لانى محتار وشكر لتعاونكم

    Like

    • السلام عليكم
      السيد /
      muhammad
      جميع هواتف الكاتيل رائع عن تجربه شخصيه
      حضرتك لو قريت مشاركاتى فى هذه المدونه هتعرف مواصفات هذا الهاتف 806
      بس احد اقولك ان ف منه حاجه لسه نازله شبه ال 608 بس بخطين
      بالنسبه للأمكانيات تحفه
      النت بتاعه ملهوش حل سريع جدا ومتنساش ان فيه واى فاى
      لو انت مش فى حاجه لتيفون الوقتى ضرورى يبقى استنى تليفون الكاتيل 980 وده تليفون ملهوش حل لانه جيل تالت و واى فاى وجى بي اس و نظام تشغيل اندرويد وكمان تاتش وفيه كيبورد كامله
      ياعنى موبيل الاحلام
      بس انا مش عارف هينزل متى
      لو عايز تعرف اى حاجه تانى تقدر تكلمنى على 0127117929
      محمد سيد عاشق الالكاتل

      Like

  37. السلام عليكم
    المدونه فيها معلومات جميله جدا
    حابه اسال علي الكاتيل 806 ومتوفر في كل فروع رزق الله ولا لا ووصل سعره كام؟
    وهي ال 980 نزل السوق ولا لسه؟

    Like

    • اولا اهلا بيكى فى مدونتى :)
      بصراحة يا سمية انا مش موظف فى رزق الله يعنى فماعرفش بالنسبة للتوافر فى كل الفروع و لا لا
      بس انا سايب لينك الموقع ممكن تشوفى اذا كان فيه رقم لفرع معين او نمرة خدمة عملاء تكلميهم :)
      وال980 لسه لحد دلوقتى مفيش اى اخبار فى مصر مع انه نزل بره فى كل حتة يعنى
      و باعتذر اوى عن التأخير فى الرد :)

      Like

  38. ياجماعة فى اجهزة الكاتيل الان بخطين نزلت مصر مهم تليفون انا عاوز اشترية اسمها 710 دة بخطين والشاشة تتش اسكرين ومواصفته تعتبر متوسط وسعرها كويس جدا تقربيا 530 جنية بس انا عمرى ما جربت اجهزة الكاتيل وخايف بصراحة من الاوبشن وكمان البطارية لانى بصراحة عاوز جهز علشان اتصال وارد بس يعنى باقى الامكانيات ممكن مش تكون مفيدة اوى معى لو فى حد جرب تليفون الكاتيل 710 ممكن يقولى راية فى التليفون والاوبشن وهل فية عربى ولا عاوز يتعربى

    Like

    • اهلا يا عمرو :)
      و الله انا قرأت لك فى الموقع الرسمى بتاع الكاتيل و عملت بحث فى المانيوال بتاع 710 و مفيش اى حاجة مذكورة عن الديوال سيم دى خالص
      بس يمكن اتعمل منه فريجانات فيها ديوال سيم
      اصل الكاتيل غاوية تعمل الحركة دى
      تنزل موبايل و تعمل منه فريجن بنفس رقم الموديل لكن تغير فى حرف فى الاخر يعنى مثلا تلاقى فيه 710 ايه و 710 بى و 710 دى
      كده يعنى
      يمكن واحد فيهم فيه ديوال سيم.
      بس ماتنساش تتأكد اذا كانت الديوال سيم ده ديوال ستاند باى و لا لا عشان دى مهمة. ديوال ستاند باى يعنى بيشغل الخطين مع بعض و لا بيقبل شريحتين بس بيشغل خط احد فيهم بس فاهم قصدى؟
      بس عموما انا قرأت عن 806 و 807 فيهم ديوال سيم و ديوال ستاند باى كمان :)
      عموما برضه ملحوظة خد بالك ان التتش الضغط صعب شوية من التتس اللمس, اه عشان تبقى عارف برضه يعنى
      بس انت عموما خليك فى ال806 او ال807 عشان الديوال يعنى زى مانت بتقول انك عايز يعنى :)
      و هما عربى مش محتاجين تعريب :)
      و متأسف اوى على التأخير :)
      نورت المدونة

      Like

  39. سلام عليكم انا طبعا بهدى تحية لصاحب الموقع الجميل ده اللى استفدت بمعلوماته كتير ومشكور جدا انا اسمى محمود من شبرا وبصراحة اول موبايل فى حياتى مسكته كانا الكاتيل مش متذكر نوعه بس كان اسود وشكله تحفه اوى وشبكته تعتبر اقوى شبكات الموبايل على الاطلاق استقبال وارسال ودى ميزة تكفى انها مش موجودة فى اى شركات تانية اما بالنسبة للموبايل الكاتيل 710 بخطين سمعت عنو انه جهاز جامد بجد بس بصراحة مش متأكد

    Like

  40. يا جماعة اانا دلوقتى معاايا موبايل سامسونج 5212 جديد ولسه جايبو من اسبوعين الموبايل بشاحنه وبالضمان بتاعه والهاند فرى وكل حاجة الموبايل ده بيتباع ب 600 ج مطلوب فيه 500 ج اللى عايز الموبايل ده رقمى 0100951433

    Like

  41. للعلم يا جماعه جهاز سامسونج اللى معايا ده بيشتغل بخطين فى وقت واحد وكمان شيك جدا بس انا عايز اغير واجيب الكاتيل بخطين تنصحونى بايه يا شباب فى ناس بتقولى على الكاتيل 710 ايه رايكم لو حد عارفو ياريت يقولى ايه مميزاته وشكرا وكل سنة وانتم طيبين
    رمضان كريم

    Like

    • ايوة يا سعيد شكرا على الكومنتات و التواصل :)
      هو زى ما قلت للناس فوق ال710 على حسب ما انا قرأت فى الموقع الرسمى و فى رزق الله مفيش حاجة بتقول انه بخطين…لكن زى ما قلت ممكن يكون فيه منه فيرجانات زى ما كنت باقول لـ”عمروساس” فوق
      انه ممكن يبقى فيه فيرجنات و برضه افكرك انك تبقى تسأل اذا كان بيشغل الخطين مع بعض فى وقت واحد و لا لا…
      انما بالنسبة لل806 و ال807
      دول بقى مؤكد انهم ديوال سيم و ستاند باى كمان
      و كل سنة و انت طيب يا جميل و الله اكرم :)

      Like

  42. بجد انا جيبت الموبايل بس للاسف مش بيشغل الفيديو من الاميل او من على اليوتيوب وبجد نفسى اعرف حل ياريت
    الحل ضرورى ارجوكم

    وكمان حاولت انى اجيب اى برنامج بس هو بنظام الجافه ارجو المساعده ومع جزيل الشكر

    Like

  43. الموبايل نوع ot 807d تمام ياريت الحل كيف اشغل الفيديو من الاميل او من الفيس بوك او من على يوتيوب

    Like

    • ايوة يا وائل اهلا بيك فى مدونتى يا باشا :)
      انا اعتقد ان الكومنت اللى فوق بتاعك برضه مش كده؟
      عموما هى نفس المشكلة يعنى…
      و حلها بإذن الله انك تنزل براوزر (متصفح) اسمه بولت براوزر
      هو ببلاش و فى نفس الوقت بيشغل تقنية الفلاش بلاير اللى بيشغل الفيديو على النت و اليوتيوب و الفيس بوك :)
      و اللينك بتاعه اهو:

      http://boltbrowser.com/dnld.html

      دى صفحة الداونلود على طول
      نزل اللى انت عاوزه فيهم كلهم زى بعض يعنى
      فيه الفيرجن الكامل و فيه الخفيف
      بس عموما اختار الديوال سايند فيرجن :)
      بس كده يا سيدى يا رب ان شاء الله تحل لك المشكلة :)
      و ماتسناش تبقى تعدى علينا تانى و لو حتى بكومنت كده :)
      كل سنة و انت طيب يا جميل و رمضان كريم :)

      Like

  44. الموبيل دة تحفة جدا والكاميرا بتاعتة جامدة جدا وانا هشترى واحد انهاردة لانو تحفة

    Like

  45. الله اكرم
    شكرا جدا كلك زوق
    وبجد انت حد جميل ومتشكرا
    والبرنامج بيشغل الفيديو تمام بس مش بيعرض الصوره كامله بش مش مشكله المهم انه اشتغل
    بس ممكن سوال تانى
    انا عارف انى بتقيل عليك
    انا عامل بسورد لى الموبايل بس لما اعمل فورمات بيرجع الموبايل بالرقم القديم بتاع الموبايل
    وبعد الفورمات بيرجع كما كان بدون حتى ادخال رقم سرى عند البدء
    فبسال هو ده عيب ولا هو اساسا كده

    واكون مشكور

    Like

  46. بس على فاكره البرنامج مش عربى وحاولت اجيب البرنامج عربى مفيش اصدار عربى
    لو فى برنامج بديل يبقى الف شكرا
    بس يلريت نفس الفيس بوك بجد الفيس بوك رهيب زى الكمبيوتر بظبط
    انا عارف انى بحملك فوق طاقتك

    Like

    • اهلا بيك يا استاذ محمد :)
      هو حضرتك بالنسبة للسايت دى كده حاجة من اعدادات المتصفح عندك :)
      حضرتك محتاج تغير الانكودنج بتاعه لــ(يونيكود يو تى اف 8) اعتقد ده ممكن يساعدك ان شاء الله او جرب اى رمز فيه لغة عربية فى الانكودنجز الموجودة
      عشان انا عندى بافتحه بيقرأ عربى عادى :)

      Like

    • انا عارف على موقع ارينا اه…بس حضرتك انا شفته فى المحلات عندنا فى مصر كده….
      اعتقد موديلات نازلة الميدل ايست مخصوص او متعدلة….عشان اصلا الكاتيل عادتها بتنزل الموديل الواحد اكثر من مرة كل مرة فيه اضافة شكل
      زى ال800 الكروم و العادى
      و مثلهم بقى ال806/7 الخط و الخطين :)

      Like

  47. ——————-استاذى الفاضل اولا اشكرك على اهتمامك—–ثانيا انا مفهمتش ولا كلمه من اللى حضرتك كاتبه بالنسبه لموقع رزق الله هما الناس دول فاكرين انهم فاتحين المحل فى اروبا؟؟؟؟—-احنا هنا فى مصر حتى خريجى الجامعات لايتقنون الانجليزيه ومهندسين كمان—-وقد ادركت الشركات المنتجه ذلك فاصبحت تنزل نسخه عربى من الكاتلوج بتاع التلفون وقد كانت شركة رايا لاتكتب عربى فى موقعها فلما خاطبنها واقترحنا عليها ان تكون هناك لغة البلد يعنى عربى استجابت واصبح موقع رايا به خيار بين العربى والانجليزى وكذلك موبايل شوب واماكن اخرى—-وبالنسب لتوجيه حضرتك فانت كاتب الانجليزى بحروف عربى وبالتالى لم افهم شيئ وشكرا—

    Like

  48. حتاجة كود تليفون الكاتيل لانة قفل منى بليزززززز رقم المسلسل بتاع العدة 353839013040633

    Like

    • حضرتك ممكن تتصلى بمقدم الخدمة و هما هايدوكى الرقم. البين و الباك دى حاجات بتبقى عندهم هما…
      شكرا..نورتى المدونة

      Like

  49. ———-شكرا يا استاذ—–اتضح ان فيه تعريب للموقع بس ضعيف—–فيه حرفين A R بس مش واضحين وده نوع من الاهمال من المشرفين على الموقع وكمان الموصفات مش متعربه وزى مقلت لحضرتك انن فى مصر لانتقن اللغات فلماذا لا يعرب رزق الله المواصفات مثل موقع رايا وموقع موبايل شوب —-وشكرا—-

    Like

  50. ———الاستاذ ممكن شرح بسيط لكيفة نقل فيديو من الكمبيوتر الى الهاتف عن طريق وصلة يو اس بى اللى هى وصلة الكمبيوتر وكذلك البلاتوث لانى مش عارف علما انى استخدم نظام تشغيل ابونتو لينكس واكون شاكر لك——–

    Like

    • ايوة يا فندم
      حضرتك بالنسبة للموضوع ده المفروض ان البلوتوث و اليو اس بى فى الاوبونتو اسهل بكتير من الويندوز و بيبقوا جاهزين مع النسخة مش محتاجة تعريفات…
      لكن انا للاسف عشان مش مشغل اوبونتو على جهازى دلوقتى مش هاقدر اديك تفاصيل…
      حضرتك ممكن تدور فى منتديات كثيرة على النت
      دور فى جوجل حضرتك…اغلب حلول مشاكل الاوبونتو حلها بيبقى عن طريق البحث فى جوجل و العثور على مجتمعات (عربية او اجنبية) و هما بيساعدوا على طول :)
      (ملحوظة يستحسن البحث باللغة الانجليزية)

      Like

  51. ————–شكرا يا استاذ—–بس دى مش مشكله كل الحكايه ان انا مش عارف ازى ومعرفش الخطوات واغلب اللى فى المنتديات زى حلاتى معوماتهم ضحله وكل الشروحات عباره عن فوتو كوبى تصوير يعن بدون شرح وحضرتك عنك خبره ممتازه بالنسبه للاوبنتو والهواتف فلا تبخل على بشرح الطريقه بس بالعربى والنبى لانى لا اتقن الانجليزى ولكم التحيه—–

    Like

    • ربنا يكرمك على المجاملة
      لكن حضرتك اغلب مجتمعات (منتديات يعنى) الاوبونتو بيبقوا مهندسين حيث انها اصلا فى بدايتها فى الثمانينيات كانت اصلا للمبرمجين و المهندسين
      فلا تقلق ان شاء الله ما تكونش معلوماتهم ضحلة و لا حاجة
      و اعذرنى انا مشغول الايام دى شوية.
      و الموضوع متوقف فعلا على تفاصيل المشكلة بتاعة حضرتك احسن انك تناقشها مع حد عنده اوبونتو (فى منتدى يعنى) عشان يساعدك احسن منى يعنى
      و ربنا يوفقك ان شاء الله

      Like

  52. ———–استاذى الفاضل—–اشكرك ولكن انا لى تجارب مع اصحاب المنتديات غير مشجعه على تكرار اى تجارب معهم لان اغلب اصحاب تلك المنتديا عملوها منظره لا اكثر—اما بانسبه لحضرتك فانت لك باع طويل فى ابونتو حتى لو لم تكن تستخدمها حاليا وكذلك الهواتف فانت تشر شرح متمكن افادنى كثيرا حتى فى هواتف غير اليكاتيل فلا تحرمنى من معلوماتك التى لا تقدر بثمن——

    Like

    • معلوماتى التى ﻻ تقدر بثمن؟
      هو حضرتك بتتريق و ﻻ ايه؟
      عموما دى مشكلة بسيطة جدا حضرتك ممكن تدخل على موقع منتديات اوبونتو الرسمية و ادخل على القسم العربى هناك و هما هايساعدوك ان شاء الله ، اوكى؟

      http://bit.ly/eXSdAe

      ده قسم فريق مصر، فى منتدى اوبنتو الرسمى حضرتك (يعنى مش منظرة وﻻ حاجة) الموضوع مشروع عالمى و كبير لتغيير ثقافة البرمجيات فى العالم كله! مش لعب عيال يعنى
      الكتابة فيه بالعربى او الانجليزى عادى
      انا باجيب معلوماتى و باحل مشاكلى من هنا (كأى مستخدم اوبونتو) يعنى
      اتمنى اكون افدتك كده :)
      معلش اعذرنى انا عندى امتحانات و مش باقعد على النت كتير :)
      صحيح بالنسبة للسوفت وير اللى بيجى على سى دى مع موبايل الالكاتيل ده بيشتغل على ويندوز بس، مفيش منه اصدار للينكس، انصحك توصل كارت الميمورى (اللى عليه الفيديو) بكارد ريدر و توصله كأنه يو اس بى عادى، دى اسرع فى الوقت بدل ما تنتظر رد فريق اوبونتو مصر
      يا رب كده اكون افدتك :)
      شكرا و بتمنى لك التوفيق فى زيادة معلوماتك فى الاوبونتو….بالمناسبة ممكن حضرتك تدور فى جوجل على كتاب اسمه (اوبونتو ببساطة) كاتبه واحد مدون مصرى اعرفه محترم جدا، اسمه احمد ابو زيد
      ابحث عن الكلمات دى على جوجل و ان شاء الله تستفيد منها كويس :)
      بالتوفيق :)

      Like

  53. ———مفيش تريقه ولا حاجه يا استاذ——-انا فعلا استفدت من احد ردودك بالنسبه لهاتفين عندى موتريلا وسونى اريكسون طبقت الاجابات عليهم ونفعت—–اما ببساطه انا قريته على جوحل زائد وليس به اى شيئ مفيد بالنسبه لى ومجتمع ابونتو ليسبه عربى ومع الشكر——

    Like

  54. السلام عليكم اخي صاحب الموضوع انا عندي الجهاز ده بس ما اعرف كثير عليه ممكن لو تساهم معنا بشرح حصائص و مميزاته

    Like

  55. ياجماعه ياريت حد يعرف موقع للبرامج فري انا بدخل ع مواقع كتير ما الاقى نوع فونى نوع فونى alcatel807D بدخل ع موبايل 9 مفيش نوعى ومواقع مخصوصه للفونات مفيش نوعه ونفسى اشوف نوع موبايلى بموقع مع انه من السنه اللى فاتت وبرضو ملهش فيلات لي نوعه وياريت بعد اذن الجميع لو حد يعرف يكتب برنامج مثل بولت بس يكون عربى يكون مشكور او يقولى ازاي اضبط تدفق الفيديو موبنيل انا بعرف اضبط التدفق اتصالات بس موبنيل مش عارف

    Like

  56. انا عندى مشكلة خطيرة موبيلى وقف فى الارض وقعة جامدة ومن وقتها مش بيقراء كارت الميميوى ولا الشريحة ومش بيشغل الكاميرة ومش شغال نقل بيانات يو اس بى شغال بس ( شحن سواء من كمبيورت او شاحن عادى و شغال ام بى ثرى و العاب و ملاحظات لكن الرسايل مش باينة و عندى رسايل مهمة قوى قوى قوى ولو ضاعت ممكن اترفد ارجوكم الرد ضرروىر قوى ارجوكم

    Like

    • حاجة زى كده يبقى لازم تتواصل مع الصيانة فى رزق الله
      انا كاتب عنوانهم ، ممكن تتواصل معاهم و تتحل مشكلتك ان شاء الله
      rizkallaco.com ما تنساش

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s